مجموعة اشعار ابوذيه حيل حلوه ...والما تعحبه يردلي

متعود على أحبابي وراهم
مابيه حيل أمشي وراهم
لون ادري العشك هيجي وراهم
ابد ما حب ولا امر بالاذيه

أدك عليك يكول الطلب جاري
وعليك الدمع فوك الوجن جاري
ريتك يالحبيب تصير جاري
وأشوفك كل صباح وكل مسية ...

عكب عينك على دنياي جدت
لعب ويه غيري بس وياي جدت
وانت تدري ايدي ابد ما يوم جدت
بهجرك راح امد اثنين ايديه ....

طمني عساك ابخير يالغالي وسلامه
واجمل تحيه الكلب يبعثلك وسلامه
نموت احنه وتعيش انته ابسلامة
ونضحي برواحنه الك هديه

منهو اللي خبط ماياك..وحالك
ومنهو اللى بگطع وصلّك..وحى لك
عجيبه وغيرت طبعك..وحالك
وصرت اسئل ولا تسئل عليه

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه

حلو يهيّج لهيب الروح لوفات

ويظل ساحكَـ على الدلاّل لو فات

يالاسمر لا تدور وياي لوفات

صريح آنه وتظل ذاتي وفيه

يريت مفاركَ الخلاّن لاكان

ولا انياب الحزن بالروح لاكن

اريد اتبعهم بهالساع ..لكن!!

جفو وديارهم ضاعت عليه.

يمنه
گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه
ورضّاتچ من رضا الباري عَليه

وراوي
منهم ما ورد طارش ..وراوي
ابو خد الترف مايع ..وراوي
اريد اخذ رسم من وجهه..واراويه
واگل للناس هذا الفتك بيه

وكت لك..
مضى وكتي وبعد عندي.. وكِت لك
ودمعي ماجرى لغيرك.. وكَت لك
اكتلني عالنفط صاير.. وكتلك
الزلم خمسين والنسوان ميه

حبيب الكلب عني ليش هملان
ودمع عيني على الوجنات هملان
الحديد الماتلينه النار هم لان
اشوكلبك صخر ماحن عليه

اجروحك للشمس ياكلب شرهن
وليالي الشوق ماينحمل شرهن
الك عمري رهنتة وبعد شر هن
اذا حتى العمر ماعاد الية

احبك والوصل عينك وشفتك
اسير لجيدك المرمر وشفتك
اذا مريت من يمك وشفتك
اگف مذهول واخذلك تحيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

وحشه الدنيه ما تسوه بلاياك
واحبك حتى لو كثرن بلاياك
شلون الدومنه العبها بلايك
وانه الدوشيش ميت بين اديه

الزمن وياي مايخلص حديثه
طعني وشوف طعناته حديثه
اريد انشد اهل راوه وحديثه
واشوفهم زماني شعمل بيه

سيف الدهر خلاني بلادين
وابعدني عن اهلي بلادين
صبحت مطلوب للعالم بلادين
وحتى الردي يهز يده علية

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه

صرت دم المشه بداخل وريدك...
ومثل متريد مشيني وريدك...
فراكك حيل مرمرني وريدك...
على جروحي تدوس بلا خطيه

حبيب الروح عني البال ماظال
دربة بعمري ابد فد يوم ماظال
اريد ابجي ودمع بالعين ماظال
بجيت عيوني من غصبا عليه

وحك اهل الوفــه والملـــــــــــــح والزاد
الكرم افضــــــــــل معاني الشيم والزاد
حلالي ما يهمني النقــــــــــــص والزاد
تهمني الناس شتسولف عليه

حلفت ما انشر خبر حبنــــــه ولا طش
مجيم حظي وي فكـــــــــري ولا طش
ولك مثلك ما شفت لزكــــــه ولا طش
و لا مثلي شفت واحد خطيه

اريد اغفي اعله ذرعـــانــــك وانامن
كضينه الحب تمــــــــــــن انت وانامن
وحـــك عيناك نسيت اسمي وانا من
تهت ارجوك دليني عليه

احوك بثوب حسنــــك وانسى جنه
جهنم ارضــــــــــه بيها وانسى جنه
احسبنه بقفــــــص عينك وانسجنه
رمش عينك يظل حارس عليه

lol!

عاشت ايدك ابوذيات روووووووعه

وايدج عيوني بس منقول هذا ... انتي تعرفينه منقول وعلقتي لكن اشعاري التابعه الي ما علقتي عليها .. شكرا عيوني ع المرور