الك سوال بهاطري يجول
وبكل صراحه اجاوب اريدك
اني الاعرفه الاعمار بيد الله
انت شلون شايل عمري بيدك
شغله بحياتي خلتني محتار
ومنين مافره محاوطه بأسلاك
بدون الكلب واحدنه ميعيش
واني شلون عايش وكلبي وياك
وكف عقلي من كثر الحساب
جمع وطرح واضرب مااحلها
واحد زائد واحد يساوي ثنين
وانت شلون واحد تساوي الدنيه كلها
الحب يبلش من نضره بين اثنين
ويجي صدفه بلا واعد وموعود
معروف الامر بس تدري الغرابه وين
شلون اني احبك من كبل لا مولود
....................
اني راحل من حياتك مااعود
واعتبرك متت ما ترجع بعد
اطلع من حياتي والله وياك
اطلعت واحد ما عندك وعد
...............................
بغيابك صرت مثل يتيم الوالدين
اقل كلمه يسمعه بكلبه تجرح
ضلمه علي دنياي من يوم الفراك
حزن بحزن ضليت مامر الفرح
اذا انت بغيابي شايف النور
تراني النور مافديوم شفته
بعدك ماشفت اني وتدري ليش
لان بغيابك عميت العين انته
..............................
ينشدوني عليك زغار وكبار
مدري شجاوب ابقه صافن
يسألوني حبيبك هسه وين
بكلبي اجاوب انت ساكن
كلبي وكلبك مثل ثنين مربوطين
ما وحد يمل الثاني لو مله
تدري يا يوم ويتفارك الكلبين
بيوم النشيل الماي بالسله
..............................
عايف دروسي وبس اسواف بيك
باسمك اضل صافن وربي
صاح المدرس ها صافن شبيك
تدري شجاوبت كتله ها حبي
اذا حتى بمتحاني شاغل الروح
جاي اكتب بالجابه وبالي يمك
صفر ماخذ بمتحاني وكلها ميات
إثاري بالاجابه كاتب اسمك
...........................
مو صادق اذا كتلك اني انساك
واذا كتلي تجذب الك حق بهاي
تدري شوكت اعوفك واصبر بلياك
من تسمع بالسمج عاف الماي
ما اكدر أوعدك راح اضل وياك
لان تدري الدنيه بيها اشكال ولوان
متاكد راح اعوفك بس تدري شلون
من تسمع بكبري يحفره الدفان
......................................
عشرتي وياج صارت بس مرار
اكل للروح صبري ياله هانت
تدرون اصبرت وياها صبر ايوب
وتالي الصبر كله بيه خانت
.................................
متولي هاي شبيك مو حلوه دنجب
ما شايف وشاف جكمه وتعجب
دنجبي هاي شبيج شو سكتي فنج
انتي دبس مخبوط ماكو احله منج
يخايب لو انت فد زمال لو انت مجنون
لك خشمي دك مترين وحوله العيون
يثوله الحلاة البيج من عطرج تفوح
صح جكمه الشكول بس حلوة الروح
عابت يبعد الروح خجلني حبك
اشكد اموت عليك يؤبرني ربك
ثوله والثواله البيج ما الها احدود
صح اسمرالخدين بس مو يعني اهنود
والي يبعد الروح زعلانه منك
ما احجي وياك لويضحكلي سنك
انكلعي يبعد الروح من وجهي ولي
بهاي الانوثه البيج نص دفره اخلي
شنهو شكلت يزمال ماني سمعتك
ارفع شويه الصوت من دفره بخلقتك
الله بلاني بيج هم طرشه هم حوله
واذنج مشتره هواي وخشمج شطوله
..................................
تدرين شكد احبج
والله حتى لو كتلج تبقين ما تدرين
اتعب من اسولف بيج
لان بس بكلمة احبج ابقه سنتين
.....................................