ادخل:مجموعة اشعار ابوذيه روعه

اهـــــــ بأحباب ـــــــــلا lol!

وســــ قلبــــي ــــهــــلا lol!

اتمنى لكم اسعد الاوقات cheers

تحياتي وسام (مدير المنتدى) Basketball

اقدم لكم هذه الاشعار اتمنى ان تنيل اعجابكم

حسنك يا غالي مثل سيفا ضربني... فشگ
صدري ونزل عالگلب هم وصلتين ... انفشگ
عيونك بلي كحل تنــــثر... فشگ
تريد تهمدنه تحط فوگ النواضر كحل
======================
اريد اكتب رساله بحبــــــر من دم
على اللي خله دمع العين من دم
ترى والله على العــــــــــذال مندم
نادم عالصديـــق اللي خــــــان بيه
======================
دخيلك عـــــــداله ويــــاي وانصاف
عيونك گطعتنــــــــي ارباع وانصاف
شوكت نتگـــــاود انه وياك وانصف
نخلي الشـــامت يمـــــــوت ابطيه
======================
خلق ربك جمــــالك فتنـه للناس ***حط بيك الهوى وجـــــرب عبيدة
يا سر الجمـال المـــــاله مقياس***الفضح سرك عساه انشلت ايده
اجيتك اشتكي وبالصدر وسواس***لأن گلبي وگـــف وانته النضيـــدة
======================
احبابي شلون حالتكم بعــــدنه
اشبدينه والوكت عنكم بعـــدنه
اذا انتو نسيتوا احنـه بعــــــدنه
نذكركم كل صباح وكل مسيه
======================
الف وسفه الوكت عنكم بعدني
اموت وارتجيلوصالك بعـــــدني
اوتراني عالهد باقي بعــــــدني
تراك انت النظــر والحيــــــل بيه
======================
وصفنا وما وصل حسنك وصفنه
لأن يرادلك گعـــــدة وصفنــــــه
ولو انته بمدرستنــــه وصفنــــه
لو تاخذ صفر انطيــــــك ميـــــه
======================
يا ريت گلبي لا هوه بالعشق ولا مر
علينا احباب لا تسأل ولا تمر
شفنه العذاب من بعدكم والمر
كرهت العشك بفراگكم يالبعيدين
======================
كم مره يزعل مني واراضي
ويدلل على گليبي واراضي
مابقت عندي املاك واراضي
بعت حتى هدومي العـليـه
======================
حبيبي الدهر بجفاكم بلانه
قدر مـكتـوب من الله بلانـه
شـلون تنام يالغالي بلانه؟
وماتحن لصدري وضـمة ايديـه
======================
ظل ياصاحبي بسماي نجمه
ويظل العراقي فوك الكون نجمه
والله لو شالو من العلم نجمه
نحط راس النذل تحت الوطيه
======================
بنور عيني مرسالك وصلنا
بجيت ودمعي بلل كل وصلنا
امانه عليك لاتقطع وصلنا
عساني انذر روحي لترابك فديه
======================
لغيرك ما جرى دمع ولا هل
غاب القمر بعدك ولاهل
مابقى لي بالدنيا جار ولاأهل
بس انت وقطعت الوصل بيه
======================
سهام بالقلب بجفاك هامات
وياما قبال سيفي انحنت هامات
اخبرك روحي نص الليل هامت
عليك وسحل جابتني من ايديه
======================
حبيبي انشد عليك شصار ما صار
وغيرك للكلب مفتاح ما صار
ادور عليك بالبلدان وامصار
ولكيتك بالنبض دكات الية
======================
بعيد ولا جنح عندي وامركم
وصرت خاضع لمر الله وامركم
البعد لا بد يوم يخلص وامركم
واعاتب كل حبيب ما ينشد عليا
======================
غرك كلبي ابهواكم برشلونه
جان الوجه صافي اصبح ابرش لونه
صرت كول وهواكم برشلونه
والف حرة الحكم دكهن عليه
======================
أنه المرعدت ثوبي قبل لاجن
وغيرك ما أحبن انس لاجن
مشن عني ليالي الفرح لاجن
وبس شوفك يرجعهن عليه
======================
يضالم لا تهيج الروح خلها
عساها تموت بعد فراگك خلها
لزم ايدي الطبيب وصحت خلها
المرض بالگلب ولك شلك بديه
======================
وحق الي تعبده الناس وحده
حبك سلب مني الروح وحده
هذني اثنين وانت اختار وحده
ترحل لو تضل محبوب اليه
======================
ويهلك
اريد انشد هلي وناسي*** ويه اهلك
واليشوفك ينشده باله ***ويهلك
اغار عليك من تحجي ***ويه اهلك
لعد لو ويه الغريب شلون بيه
======================
گلبي الچان الك مسكن والك دار
بچفاك الحزن شل حالي والك دار
الوكت دولاب مل مني والك دار
وانت والوكت صرتو عليه
======================
زرعت الصبر فوك جبال ورد
وسكيته بدموع العين وورد
وصرت اسئل عليك الراح والرد
حبيبي اسئل علية
======================
حياتي عگب شخصك شلي بيه
وجميع اعضاي صارت شلل بيه
توديلي رسايل شلي بيه
رايد شوفتك عزت عليه
======================
جروحك بالكلب فرد مره ... هدن
وشفت بين البشر عيون وبالنضرات الي ...اهدن
جروحك بعده وياي لا طابن ولا... هدن
اسعفني بالنضرات وطيب جروحي اليه
======================
جروحك بالكلب فرد مره ... هدن
وشفت بين البشر عيون وبالنضرات الي ...اهدن
جروحك بعده وياي لا طابن ولا... هدن
اسعفني بالنضرات وطيب جروحي اليه
======================
اريد احچي على الي اخذت گلبي وسافرت
ما لحگت بيه وسفه فرت
اتمنى اليه گلب ثاني واسافر اله
واگله بداعت الغالين عودي
بغيابچ صاب جسمي مرض ونزل لعظامي وعودي
أنا ألما خنت مرا وياچ بوعودي
عجب ليش انت تخونين بيه
======================
ما سكن بالروح غيرك انت ساكنها
روحي تتئلم بيك وشوفتك تسكنها
والله لو افتر كل المدن وسكانها
ما الگه مثلك وفي وغالي عليه
======================
عزيزين وعلى البال تراكم
.وحبكم بالكلب فاض وتراكم .
شكثر هالعين مشتاكة تراكم .
وتجري دموعهة من طول الغياب
======================
من البواجي ما بقى لعيني جفن
الالم والاذية والهم عليه چفن
يادفان ادفني ويه الحبيبه بفد چفن
بالگبر حتى نسولف سوية
======================
اريد ابجي وعبي دموعي بسطول
عبرت انهر ماتنعبر بسطول
ترى كثير من الزلم تلكاها بس طول
طنطل وبي كل البلية

======================
واراضيك
حبيبي اريد ارجعلك واراضيك
تفرج دوم بس اصبر وراضيك
تريد نوصل لاهلك واراضيك
دسامحني وارجع بين ادية
======================