گمت ماتسال حبيبي وگلبك اسود ليش
شنو صعبه عليك دگلي شلونك
مو اني الصحت يمك من گلت أه
وگلبي الصاح قبلي وگال عونك
رسمتك بوسط العين لوحه وغمضت بيك
وفرچه الجفن سويته وصبغت لونك
صرتلك حضن دافي وصرت ماعون
وهس انت البيدك كسرت ماعونك
عجيبه البشر يدفه بالحضن وينام
وبحضن غيرك يركض يخونك
وعجيبه شلون عايش انت لليوم
وانت الگلت ماعيش من دونك
اطلعت كلك خيانه وبالچذب استاذ
وتچذب اكبر چذبه هايه عيون
ما صدك بعد لو انت الوفه يسموك
لانك قصه بحياتي والچذب مضمونك