لمن اشوفك الدنيه جنه تصير
والنار جنه تصير اليه
انت گبال عيني وچنت اگول بعيد
وهسه شلون من مبعد عليه
شلون هسه واني الك مشتاگ
وهسه الشوك جايبلي الاذيه
بنص الليل واتخايلك بالباب
گمت بالليل واخذلك تحيه
صحت بليل اضلم وگلبي مكسور
نفذ صبري وماضل صبربيه
عمت عيني بغيابك وما ضلت ليه عين
ونشفت دموعي من گد بچيه
غمضت لحضه وبيه احلمت بيك
فزيت وما لگيتك بين اديه
گمت من فراشي وچني مرعوب
واناديك بصوت عالي بلا وعيه
سمع صوتي ابويه وگلي شبيك
مدري شجاوب وشنهو بيه
گمت اسولف عن قصتي وياك
هز راسه ابويه وگلي شگد خطيه
تدري شصار لمن سولفت بيك
وحگ عيناك بچيته لبويه
گلي تنساه باچر من يطلع النور
ومن تنام يقل شوگك شويه
صدگت ابويه وگلت راح انساك
رضيت بنصيبي وهايهيه
ولمن اجه باچر وبيه اكثر الك حنيت
ساعته تمنيت تاخذني المنيه