تدري شگد الك مشتاگ وبيك تفرح العين
مثل الحكمو عليه اعدم ويفكونه بعدين
تدري شگد الك مشتاگ وانت عني بعيد
مثل الصايم برمضان ومشتاگ للعيد
تدري شگد الك بيه شوگ وخايف اگلك
مثل الخايف من الموت لا يبعدني عنك
تدري شگد الك بيه شوگ وبصدري اضمه
مث اليتيم وصاح مشتاگ لمه
تدري شگد الك بيه شوگ من گتلي جاي
مثل السمچ بشباك وحنيت للماي
تدري شگد الك بيه شوگ ورايد اشوفك
مثل الشافك وضل مسطور مايگدر يعوفك
تدري شگد الك محتاج يا گلبي انته
مثل اليحبك موت وبلحضه عفته
تدري شگد الك محتاج وشگلبي صاير
مثل العنده نص جناح وبالهوى طاير