شسولفلك علي اني گلك اني حبيتك
لو اگلك انت الي سكن گلبي واني الي تمنيتك
شسولفلك يالنسيت الناس كله وما نسيتك
اسولف عن جمال البيك
اموت آني بجمالك واموت بهاي شخصيتك
شگد حاولت اوصف من جمالك
تعبت اني وما وصفيتك
اذا ضليت هيچ راح تموت الناس
اريد افتهم منك شنو نيتك
بعت عمري وبس ردت اقراك
قريت الناس كله وما قريتك
شيقراك انت وكلك اسرار
وسر البيك ما نعرف هويتك
مدري جنسك ذهب مدري الماس
لو اعرف بجنسك جان سميتك
حاير شسميك ويا صنف اختار
اختارك ذهب اخاف مقصر بصيتك
اذا تمرض اني الك دكتور
وشوفتك هيه تصير كشفيتك
كل الناس توكف سره عالباب
وانت الباب ياخذلك تحيتك
واذا تبرد اني الك اغطاء
امد رموش عيني وبيه غطيتك
واذا تخاف من وحشت الليل
اجيك الليل وبحضني ضميتك
اقدملك روحي واني الك ممنون
بس عاد تحبني تكون ياريتك