تدري آني شكد الك مشتاك يا شوكي وروحي وسنيني
احلف بكد شوكي ما اجه شوك يالشوكك مغطيني
ما اكلك آني انسه الناس.انسه الروح لو طيفك يجيني
شحجي وشسولف آني عن الشوك يالشوكك يجويني
اكلك شوكك وصلني حد الموت يالنته بوسط عيني
ما سولف بعد علشوك راح ابدي بحبي وحنيني
راح اكلك مجروح آني حيل وغيرك من يداويني
وانوب اكلك آني احبك موت وحبك بنص شراييني
اذا انساك لحضه يوكف الشريان وراح القلب ينسيني
والينساه قلبه يعني يموت وساعته يصير تجفيني