انتشر هالايام فيروس الاوتورن الي يدخل لاقسام الهارد c:e:d:f:g .....يقوم هذا الفيروس بالعمل مع الحاسبة عند بداية تشغيلها و بذلك يستهلك جزء من الرام و كذالك يستهلك البروسسر ...المهم اكيد ماكو فيروووووس مفيد فلازم انحذفه و حس معرفتي هذا الفيروس حديث و ما يلزمه ولا انتي فيروس بس النود 32 و الكاسبر الحديث ... لذلك اكو طريقة تحذفه بيهه نهائياً و راح اقسمهه الى اربعة اقسام حتى نعرف على اليه عمل الفيروس ...: احبابي الحلوين بس ركزو ويا اخوكم وسام القسم الاول : كيف تعرف ان جهازك مصاب : بكل بساطة اكولك يا حبيبي .. اذا تريد تعرف جهازك مصاب بهذا الفيروس فقط روووووح للهادرات و اضغط عليهن كلك ايمن و اذا شفت عبارة (Auto play(معناتهه حاسبتك مصابه بالفيروس لذلك تجنب ان تفتح الهارد بالدبل كلك لأن راح يشتغل الفيروس كلما تفتح الهارد و ينتشرو يدمر الحاسبة . القسم الثاني : ايقاف عمل الفيرووووس هذا الفيروووس شكد ما خبيث ما ينحذف بالطريقة العادية لأن يشغل برووسس تخلي كلما ينحذف يرجع مرة ثانية ... و حتى نتخلص منه نضغط CTRL+ALT+DEL بعدين نختار Processes ندور على بروسس اسمهاtemp1.exeاو temp2.exe نضغط عليهه ايمن و نختار end processبعدين Yes ... هسه احنه وكفنه عمل الفيروس بقه هسه لازم نحذه. القسم الثالث :حذف الفيروس نروح للكنتروول بنل بعدين فولدر اوبشن بعدين view بعدين نختارshow hidden files بعدين جوّاها نشيل علامة الصح من Hide protected operating system files و بعدين اوكي و بعدين اوكي ... هسه راح تطلع جميع الملفات المخفية و حتى ملفات النظام المخفية .... هسه نروح على كل قسم من اقسام الهارد و نضغط يمنه و نختارopen و لازم ما نفتح الهاردات بالدبل كلك بس نفتحه راح يرجع الفيروس مرة ثانية وتعال يا عمي عيد السالفة من جديد .....المهم راح تلكه ثلاثة ملفات حددهن واحذفهن و هن:mvhostو copy و autorun ... وطبق هاي الطريقة على جميع الهاردات ...
القسم الرابع : الخطوة النهائية : لحد اهنا كووولشي اوكيييييييييييييي ... لكن بس راح اتسوي ريستارت راح يرجع الفيروس و لا كأنما شي صار ... لذالك روووووح الىStartوبعدينrunو بعدين اكتب msconfig راح تطلع نافذه روووح كبل على startup ... هسه شيييل الصح من المربع الي يقابلsvchost وبعدين اوكي و سوي ريستارت ..... و هيج انته قمت بالعمل الي يقوم بيييييي الكاسبر سكاي .... يعني صرت انته انتي فيروس و راح اتشوف شلون انو الفيروسات راح اتخاف منك منا و جاي .....
السبت مايو 04, 2013 8:05 am من طرف الوسام الذهبي
موضوع: كيفية تخلص من فايروس الاوتو رن .. بدون برامج 
اهـــــــ بأحباب ـــــــــلا 
اتمنى لكم اسعد الاوقات 
تحياتي وسام (مدير المنتدى) 
