تدري شعور الكاعد وايده بالنار
مايشبه شعور الكاعد وايده بالجنه
شحجيلك عن شعور المن گبل مات
مثل عريس ويموت بليلة الحنه
شكد فرحان اكلهم واني مذبوح
وعجب بس من اسولف تسمع الونه
علي انت وزماني صرتو خوان
وعلى ضلوع الكلب سيفك تسنه
بس ابشرك ما بقه لسيفك مكان
يعني كل مكان بكلبي بيه طعنه
يول ليه جروح ما تتوزن بميزان
تره جروح بكد جبل حمرين شلنه
الله يعلم بحالي شصار ما صار
شسولفلك شوصف شحجي عنه
جنت سيد زماني وقائد العشاق
وهسه عضم بلا لحم فركاك سلنه