گلت انت حبيبي ومادريت تخون
اشو بأسم الميانه طلعت خايني
شلتك بچفوف الوفه ورموش العيون
وانت بچف الخيانه طلعت شايلني
اني الخيطت جرحك ولميت الدموع
وانت جرحت گلبي وبچيت عيني
تذكر من يوم اجيت وكلك اجروح
وتصرخ بالبواچي دگول داويني
منهو العلمك تجرح بلايه احساس
عمت عين الوكت خلاك ناسيني
بس راح انساك هسه ومنك ارتاح
وامسح كل ذكريات البينك وبيني
وكومه حجار راح اشمر وراك
لان شگيت بعد من دفتر سنيني