يلي نويت الهجر وبلايه اسباب
ليش اتركت گلبي ينوح بأهاته
انتهى الحب الجمعنه وصار بالكان
وسفه على حبنه تناثرت ابياته
عزيمتنه انتهت والشوگ قل وراح
واجه وقت الفراق يصيح صيحاته
عشگ ماضل عشگنه مات وارتاح
غصب عنه الهجر فرض لحضاته
اختنگ گلبي بغيابك خنگته الروح
وانگطع حتى النفس من كثر عبراته
تناثرنه مثل چيلة رمل بالريح
والك شيلم الرمل لو طاح حفناته
انكسر كاس الحوانه وحبنه ساح
وشيرجع الحب لو ساح قطراته