يمه انتي الحبيبه وتاج علراس
ومنبع للمحبه يا امي الحنينه
الله شگد حنين وراحم الكون
بس من حنانچ الله ينطينه
يمه من ايدچ اكلنه وصرنه اكبار
وبس منچ شربنه ورتوينه
امي الينضرب بيچ المثل للناس
لان من ثوبچ گطعتي لو عرينه
علمتينه الصحيح من الالف للياء
وكبرنه بحضنچ الدافي وربينه
جنت اعمه وبيچ اشوف النور
ذبت بغيابچ مثل شمعه وطفينه
منهو اليمسح دموعي لو بچيت
بس ايدچ الحلوه التمسح بچينه
عزيزه وغاليه وتسوين كل الناس
وحتى البعده ما ولد تسوينه
ذكر الله بكتابه بر الوالدين
وخله الجنه تحت اقدامچ رهينه
اريد احضه برضاتچ ونبوس رجليچ
ونجي زحف لجدامچ بدينه
الله بدخول الجنه خله شروط
امنه اول شرط ترضه علينه